Өвөр Монголд 264400 хүн вакцинжуулалтад хамрагджээ

Энэ сарын 13-ны өдрийн 18:00 цагийн байдлаар ӨМӨЗО-ы хэмжээнд нийт 264400 иргэнд коронавирусний эсрэг вакцин тарьсан бөгөөд нийт 347 вакцинжуулах цэг ажиллаж байгаа юм.

Үүнд Хөх хотод 80 гаруй мянган хүн вакцинжуулалтад хамрагдсан бөгөөд вакцин хийсний дараа ноцтой харшил илрээгүй гэж ӨМӨЗО-ы Халдварт өвчнийг хянах, урьдчилан сэргийлэх төв мэдэгдсэн байна.
 

Иргэдийг вакцинжуулах ажил Өвөр Монголд өнгөрсөн оны арванхоёрдугаар сарын 20-ноос эхэлсэн.

Одоогийн байдлаар Өвөр Монголын хэмжээнд өндөр эрсдэлтэй иргэд болон гол зорилтот бүлгийн хүмүүсийг вакцинжуулалтад хамруулах ажил хийгдэж байна. Уг нь эрсдэлт бүлгийн ванцинжуулалт хоёрдугаар сарын 05-нд дуусах төлөвлөгөөтэй байсан ч вакцины хангалт тааруу зэрэг байдлаас шалтгаалан уг ажлыг Цагаан сар өнгөрсний дараа болгон хойшлуулж магадгүй гэж ӨМӨЗО-ы Халдварт өвчнийг хянах, урьдчилан сэргийлэх төвийн дэд дарга Янь Шаохун танилцуулсан байна.