Кайл Дейк VS Жейсон Нолф

Америкийн чөлөөт бөхийн том клубийн нэг The Nittany Lion Wrestling Club олон нийтийн сүлжээгээр ээлжит шоугаа зарлалаа.

Энэ сарын 23-нд болох тус шоуны гол барилдаанд дэлхийн хошой аварга Кайл Дэйк оюутны NCAA лигийн гурван удаагийн аварга Жейсон Нолфтой гар зөрүүлнэ. Дейк оюутны лигт дөрөв түрүүлж байсан түүхтэй.

Тус шоу Rokfin сувгаар төлбөртэй цацагдах юм.

Дэйк 2018, 2019 онд дараалан 79 кг-ийн жинд дэлхийд түрүүлсэн. Одоо жин бууж, 2021 оны Токиогийн олимпод оролцохоор бэлтгэлдээ гараад байгаа. Харин Нолф 74 кг-д АНУ-ын чансааны 3-т бичигдэж байгаа бөх юм.