Виталий Дуброва: Эмэгтэй жүдогийн 48 кг-д 3 тасархай тамирчин бий

Украины жүдо бөхийн шигшээ багийн дасгалжуулагч Виталий Дуброва Sport Arena-д ярилцлага өгч, Катарт болсон Мастерс тэмцээнийг дүгнэжээ.

— Виталий Викторович, манай шигшээ багийн сүүлийн тэмцээн нь Мастерс байлаа. Дарья Белодед, Яков Хаммо хоёр л хүрэл медаль хүртсэн.

— Маш өндөр түвшний тэмцээн байсан болохоор үр дүнд сэтгэл хангалуун байгаа. Олимпын наадамд нэг жинд нэг орноос нэг л бөх оролцоно. Харин Мастерст нэг жинд дөрвөн бөх ч оролцож байлаа. Бид Мастерсийг бэлтгэлийн тэмцээн гэж үзсэн. Гол зорилго маань Олимпын наадам.

— Дария Белодед хүрэл медаль л авлаа. Түүний барилдааныг хэрхэн дүгнэж байна? Уг нь тэр 2020 оны шилдэг жүдочоор шалгарсан шүү дээ.

— Шилдэг жүдочийг балиашгуудын санал асуулгаар шалгаруулдаг. Дарья алдартай тамирчин тул тэргүүлэхэд гайхах зүйл огт алга. Катарт ч тэр сайн барилдсан. Тэр өнгөрсөн оны хоёрдугаар сараас хойш 48 кг-ийн жинд анх барилдаж байна. Тэмцээнд оролгүй удсан нь нөлөөлсөн. Катарт 48 кг-ийн жингийн бүх томчууд зодоглосон. Сая унадаг Японы Тонакиг манай бөх өмнө нь 4 ялсан. Энэ удаад Дарья алдаа гаргасан, шүүгч ч сайн байгаагүй. Иймэрхүү ялагдал байх хэрэгтэй. ДАШТ, олимпод ялагдсанаас Мастерст ялагдсан нь илүү дээр. Ер нь Даша сайн барилдсан.

— Түүний жин өрсөлдөөн ихтэй болохоор хэн ч түрүүлж болно гэсэн үг үү?

— Тиймээ, энэ жинд бусдаасаа тасарсан гурван бөх бий. Дарья, Японы Тонаки, Косовогийн Дистрия Красники. Энэ гурав бусад бөхчүүддээ ялагддаггүй. Ээлжлээд л тэмцээнд түрүүлээд байгаа. Тэдний хэн нэг нь Токиод түрүүлнэ.

— Яков Хаммо +100 кг-д Теддид ялагдан, хүрэл авсан.

— Маш сайн барилдсан. Ринер түүнээс эмээж байгаа нь ажиглагдсан. Яков өөрөө хэт болгоомжилсноос болж ялагдлаа. Манай шигшээ одоогоор 6 жинд эрхээ баталгаатай болгосон. Нэмээд хоёр эрх авахын төлөө ажиллаж байна.