Шёодай Олимпын бамбарын буухианд гүйхгүй

Мэргэжлийн сүмогийн озэки Шёодай энэ жил Токиогийн олимпын наадмын бамбарын буухианд оролцох төлөвлөгөөтэй байсан. Түүнийг бамбарын буухиа элчээр төрсөн нутаг нь болох Күмамото мужийн Үто хот нэр дэвшүүлээд байсан билээ. Бамбар тавдугаар сарын 5-нд Үто хотод зочлох юм.

Гэвч Сүмо бөхийн холбооноос цар тахлын эсрэг авах арга хэмжээний хүрээнд тавдугаар сарын 9-нд эхлэх Зуны тэмцээний өмнөх 14 хоногт бөхчүүдийг гадуур гарахыг хориглосон тул бамбарын буухианд оролцож чадахгүй болжээ.