Маттео Пелликоне: Мөнгөн медальт Т.Тулгын барилдааны бичлэг

2021 оны 03 сарын 08

Дэлхийн чансааны оноо олгох Маттео Пелликонегийн нэрэмжит “А” зэрэглэлийн олон улсын тэмцээн гуравдугаар сарын 3-наас 7-нд Италийн нийслэл Ромд боллоо. 26 дахь удаагийн уламжлалт тэмцээнд өсвөр үе болон 23 хүртэлх насны Азийн аварга, Тахтийн цомын аварга, үндэсний шигшээ баг, “Хүч” спорт хорооны тамирчин ОУХМ Төмөр-Очирын Тулга мөнгөн медаль хүртэв.

Т.Тулга эхлээд өсвөр үеийн дэлхийн болон Европын аварга, Яшар Догугийн Гранпригийн аварга Хамза Алачаг оноогоор цэвэр (10:0) ялсан.

Хагас шигшээд Энэтхэгийн Рохитыг 4:0-ээр яллаа.

Алтан медалийн төлөөх барилдаанд ДАШТ-ийн нэг мөнгө, хошой хүрэл, Азийн наадмын алт, мөнгөн медальт, Азийн гурван удаагийн аварга Энэтхэгийн алдарт бөх Бажранг Пуньятай хүч үзэж 2:2-оор ялагдлаа. Манай бөх 2:0-ээр тэргүүлж яваад сүүлийн 30 секундэд 2 оноо алдсан юм.

65 кг

1. Бажран Пуния (Энэтхэг)

2. Т.Тулга (Монгол)

3. Хамза Алача (Турк)

3. Жозеф Маккена (АНУ)

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
mongol(66.181.179.62) 2021 оны 03 сарын 09

sain barildlaa amjilt husey

0  |  0
Монгол(66.181.161.125) 2021 оны 03 сарын 09

Сайн бна. Өшөө их амжилт гаргахыг хүсье. Монголын ард түмнийг баярлуулж бахдаж яваарай.

0  |  0
Top