Ёшида Мая: Ур чадварын ялгаа байгаа ч тайвширч болохгүй

“Катар-2022” ДАШТ-ий Азийн хэсгийн урьдчилсан шатны Монгол, Японы тоглолт энэ сарын 30-нд Японы Чибад болох гэж байна.

Манай шигшээ баг 25-нд Душанбе хотноо Тажикстаны багтай тоглож, 0:3 ялагдсан. Харин Японы баг Ёкохамад Өмнөд Солонгосын шигшээ багтай нөхөрсөг тоглолт хийж, 3:0 ялалт байгуулаад байгаа.
 

Японы шигшээ багийн ахлагч, Италийн Сампдори багийн хамгаалагч Ёшида Мая Монголтой хийх тоглолтын талаар сэтгүүлчидтэй ярилцжээ.

Ёшида Мая “Эртний өрсөлдөгч Өмнөд Солонгостой хийсэн чухал тоглолтод 3:0-ийн харьцаагаар ялсандаа сэтгэл ханасан, тайвширсан байдал гаргаж болохгүй. Монголын багаас хүч чадал, ур чадвараар илүү нь тодорхой ч бүгд бүх хүч чадлаараа тоглох хэрэгтэй. Энэ тоглолтод ялахаас илүү цааш цаашдын тоглолтууд, ДАШТ-д хэрэг болохоор агуулга маш чухал байна. Өмнөд Солонгостой хийсэн тоглолтод гарсан алдаагаа Монголтой хийх тоглолтод засах ёстой. Залуу тамирчдад энэ тоглолт өөрийгөө харуулах боломж бол ахмадууд ч гэсэн харих болоогүй гэдгээ үзүүлэх тоглолт болно” гэж ярьжээ.

ЯПОНЫ ШИГШЭЭ БАГ

Хаалгач
 

• Нишикава Шюсакү (Үрава)
• Гонда Шюичи (Шимизү)
• Маэкава Дайя（Кобэ）

Хамгаалагч
 

• Ёшида Мая (Сампдори, Итали）
• Сасаки Шёо（Хирошима）
• Мацүбара Кэн（Ёкохама Маринос）
• Яманэ Мики（Кавасаки）
• Хатанака Шинносүкэ（Ёкохама Маринос）
• Накатани Шинносүкэ（Нагоя）
• Огава Рёоя（Токио FC）
• Томиясү Такэхиро（Болонья, Итали）

Хагас хамгаалагч
 

• Атарү Эсака（Рейсол）
• Эндо Ватарү（Штутгарт, Герман）
• Ито Жюня（Хенк, Бельги）
• Харакава Рики（Осака Сересо）
• Минамино Такүми（Саутгемптон, Англи）
• Фүрүхаши Кёого（Кобэ）
• Морита Хидэмаса（Санта-Клара, Португал）
• Кавабэ Хаяо（Хирошима）
• Камада Даичи（Айнтрахт, Герман）
• Ясүто Вакизака （Кавасаки）

Довтлогч
 

• Осако Юүя（Вердер, Герман）
• Асано Такүма（Партизан, Серби）