Чөлөөт бөх: Олимпийн эрхийн тэмцээнд оролцох Монголын баг

Энэ сарын 9-11-нд Казахстаны Алматыд “Токио-2020” зуны олимпийн XXXII олимпийн наадмын эрх олгох Ази тивийн тэмцээн болно. Дараа нь 13-18-ны өдрүүдэд насанд хүрэгчдийн Азийн аварга шалгаруулах тэмцээн тус тус болно.

Тус хоёр тэмцээнд үндэсний шигшээ багийн ахлах дасгалжуулагч Б.Баттулга, үндэсний шигшээ багийн дасгалжуулагч, Монгол Улсын гавьяат дасгалжуулагч А.Цэдэнсодном Ц.Баярсайхан, ОУХМ Ө.Ууганбаяр, Б.Батзориг нарын удирдлага дор өрсөлдөнө.
 

ОЛИМПИЙН ЭРХИЙН ТЭМЦЭЭНД ОРОЛЦОХ БҮРЭЛДЭХҮҮН
 

Эрэгтэй
 

• 57 кг: Түмэнбилэгийн Түвшинтулга
• 74 кг: Бямбасүрэнгийн Бат-Эрдэнэ
• 86 кг: Ганбаатарын Ганхуяг
• 97 кг: Өлзийсайханы Батзул
• 125 кг: Мөнхтөрийн Лхагвагэрэл

Эмэгтэй
 

• 50 кг: Цогт-Очирын Намуунцэцэг
• 53 кг: Бат-Очирын Болортуяа
• 57 кг: Болдсайханы Хонгорзул
• 62 кг: Сүхээгийн Цэрэнчимэд
• 76 кг: Очирбатын Бурмаа

Сонгомол бөх
 

• 60 кг: Мөнх-Эрдэнийн Даваабанди