Боксын залуучуудын шигшээ баг ДАШТ-ий бэлтгэлдээ гарлаа

Боксын залуучуудын үндэсний шигшээ баг тамирчид Польш улсад залуучуудын дэлхийн аваргын тэмцээний бэлтгэлдээ гараад байна. Манай тамирчид ДАШТ-ий өмнөх олон улсын бэлтгэлд хамрагдаж байгаа юм.

Залуучуудын ДАШТ 2020 оны 11 дүгээр сарын 2-9-нд Польшид явагдах байсан ч цар тахлын улмаас хойшилсон билээ. Тиймээс Олон улсын сонирхогчдын боксын холбооноос энэ жилийн тэмцээнд өнгөрсөн жил орох ёстой байсан тамирчдыг нас хэтэрсэн ч оруулахаар шийдвэрлэсэн. Тэмцээнд 2002 оны нэгдүгээр сараас 2003 оны 12 дугаар сарын 31-ний хооронд төрсөн тамирчид оролцож болно.

Залуучуудын ДАШТ энэ сарын 11-24-нд Польшийн Hala Legionow цэнгэлдэхэд явагдана.

Монголын баг

Эрэгтэй:

- Энхзоригт Сүхбат 52 кг 

- Баярсайхан Алтантулга 57 

- Ганбаатар Ган-Эрдэнэ 60 

- Асхар Жандос 69 

Эмэгтэй:

- Даваазориг Номин-Эрдэнэ 48 

- Алтанбек Хулан 51

- Төгсжаргал Номин-Эрдэнэ 57

- Ганзориг Бадмаараг 60

Дасгалжуулагч багш:

- Төмөрхуяг Чулуунтөмөр

- Жамантай Еркин

- Түндэв Ганзориг

Монголын Боксын холбоо