С.Билгүүн, Ч.Алтангэрэл хоёр хүрэл медалийн төлөө барилдана

Казахстаны Алматыд сонгомол, чөлөөт бөхийн Ази тивийн аварга шалгаруулах тэмцээн үргэлжлэн явагдаж байна. Өнөөдөр эрэгтэй 57-65-70-79-97 кг-ийн барилдаанууд болж байна.

57кг

2017 оны Азийн дэд аварга ОУХМ Занданбудын Занабазар тэгшитгэлийн барилдаанд өнгөрсөн жилийн Бүх Японы аваргын мөнгөн медальт Японы Юүки Такешитад 3:3-аар ялагдлаа. Манай бөх 3:1-ээр илүүрхэж яваад барилдааны төгсгөлд хоёр оноо алдаж ялагдал хүлээв.
 

• Хүрэл медалийн төлөө – Muhammad BILAL (PAK) vs. Yuto TAKESHITA (JPN)
• Nodirjon SAFAROV (UZB) vs. Ali M M ABURUMAILA (PLE)
• ФИНАЛ - Kumar RAVI (IND) - Alireza Nosratolah SARLAK (IRI)

65кг

Спортын мастер Сармандахын Билгүүн шөвгийн наймын барилдаанаа Тажикистаны Жамшед Шарифовтой хийж 4:0-ээр яллаа. Тэрбээр хагас шигшээд Энэтхэгийн алдарт Бажранг Пуньяд цэвэр дарууллаа.
 

• Хүрэл медалийн төлөө – С.Билгүүн (MGL) - Yongseok JEONG (KOR)
• Morteza Hassanali GHIASI CHEKA (IRI) - Nodir RAKHIMOV (UZB)
• ФИНАЛ - Bajrang BAJRANG (IND) - Takuto OTOGURO (JPN)

70кг

Залуучуудын ДАШТ-ий хүрэл медальт ОУХМ Э.Тэмүүлэн шөвгийн наймд БНСУ-ын Ли Сун Боныг 7:0-ээр илүүрхэж яваад өрсөлдөгчийнхөө шийдсэн мэхэнд дөрвөн оноо алдан, даруулж цэвэр ялагдав.
 

• Хүрэл медалийн төлөө –  Karan KARAN (IND) vs. Seungbong LEE (KOR)
• Islambek OROZBEKOV (KGZ) vs. Perman HOMMADOV (TKM)
• ФИНАЛ - Sirojiddin KHASANOV (UZB) - Syrbaz TALGAT (KAZ)

79кг

“Хасу-Мегастарс” клубийн тамирчин спортын мастер Дамжингийн Батзул шөвгийн наймд Риогийн олимпийн наадмын тавдугаар байрын шагналт, эзэн орны туршлагатай бөх Галимжан Уссербаевтай хүч үзэж 3:4-өөр ялагдав.
 

• Хүрэл медалийн төлөө – Saiakbai USUPOV (KGZ) vs. Galymzhan USSERBAYEV (KAZ)
• Ahmed Mohsin Kadhim AL GBURI (IRQ) vs. Narsingh Pancham YADAV (IND)
• ФИНАЛ - Byungmin GONG (KOR) - Ali Bakhtiar SAVADKOUHI (IRI)

97кг

“Монголиа Опен” ОУТ-ий аварга ОУХМ Чинбатын Алтангэрэл шөвгийн наймд Кувейтийн Халид Алшаммариг оноогоор цэвэр яллаа. Тэрбээр хагас шигшээд Казахстаны Алишер Ергалитай хүч үзэж 2:6-гаар ялагдав.
 

• Хүрэл медалийн төлөө – Minwon SEO (KOR) vs. Satywart KADIAN (IND)
• Takashi ISHIGURO (JPN) vs. Ч.Алтангэрэл (MGL)
• ФИНАЛ - Ali Khalil SHABANIBENGAR (IRI) - Alisher YERGALI (KAZ)