А.Жандос өнөөдөр Ираны Фархад Морадитай тулалдана

Боксын залуучуудын үндэсний шигшээ баг Польш улсад болж байгаа залуучуудын Дэлхийн аварга шалгаруулах тэмцээнд оролцож байна. Дасгалжуулагч Т.Чулуунтөмөр, Жамантай Еркин, Т.Ганзориг нар эрэгтэй 4, эмэгтэй 4 тамирчинтай Польшийн Hala Legionow цэнгэлдэхэд хүч сорьж байгаа билээ.

Өчигдөр (2021.04.17) манай хоёр боксчин рингэнд гарсан.

Эрэгтэйчүүдийн 56 кг-д Б.Алтантулга Узбекистаны Абдумуродов Дилшодтой тулалдаж, 0:5 ялагдлаа. Шүүгч нар 28:29, 27:30, 27:30, 27:30, 25:30 оноог узбек тамирчинд өгчээ.
 

Эмэгтэйчүүдийн 48 кг-д Д.Номин~Эрдэнэ Узбекистаны Фозилова Фарзонад 0:5 ялагдсан. Шүүгч нарын оноо 28:29, 27:30, 27:30, 27:30, 26:30 узбек тамирчны талд гарсан.
 

Эрэгтэйчүүдийн 52 кг-ийн Э.Сүхбат Испанийн Х.Патонхатай, эмэгтэйчүүдийн 51 кг-ийн жинд А.Хулан Казахстаны Г.Тупарбаеватай энэ сарын 19-нд хүрэл медалийн төлөө өрсөлдөнө.

Эрэгтэй 69 кг-ийн жинд манай тамирчин А.Жандос өнөөдөр 1/8 финалд Ираны Фархад Морадитай тулалдана. Моради энэ жинд түрүүлэх хамгийн магадлалтай тамирчны тоонд Украины Юрий Захарьевын хамт нэрлэгдээд байгаа боксчин.