ОСКАР 2021: Хлоя Чжао Шилдэг Найруулагчаар шалгарлаа

Оскар эхэллээ. 93 дахь удаагийн Оскарын шагнал гардуулах ёслол цар тахлын улмаас шинэ хэлбэрээр, хэд хэдэн газарт зэрэг явагдаж байна.

Гол хоёр талбай нь Лос-Анжелесийн Dolby театр, Union Station төмөр замын вокзалд байрлаж байна.
 

Хятад найруулагч Хлоя Чжао "Нүүдэлчдийн нутаг" (Nomadland, 2020) киногоороо “Шилдэг Найруулагч”-ын Оскар хүртлээ.

Энэ шагналд түүнтэй Эмиральд Феннел (Promising Young Woman, 2020), Ли Айзек Чун (Minari, 2020), Дэвид Финчер (Mank, 2020), Томас Винтенберг (Druk, 2020) нар өрсөлдсөн юм.
 

Чжао Хятадад төрсөн ч АНУ-д ажиллаж, амьдардаг уран бүтээлч. Тэр “Нүүдэлчдийн нутаг” бүтээлээрээ Алтан бөмбөрцөг шагнал хүртэж байсан билээ. Энэ кино нь АНУ даяар хэрэн тэнэж байгаа ажилгүй эмэгтэйн тухай өгүүлдэг юм.