Монгол, ОХУ, Япон, АНУ, Хятадын баг Токиод бүрэн бүрэлдэхүүнээр барилдана

Өчигдөр Болгарын нийслэлд олимпын эрх олгох чөлөөт бөхийн тэмцээний хоёр дахь өдрийн барилдаан болж, эмэгтэйчүүдийн үлдсэн 12 эрхийн эзэд тодорлоо. ОУХМ Хүрэлхүүгийн Болортуяа эмэгтэйчүүдийн 62 кг-ын жинд шигшээд шалгарснаар манай эмэгтэй бөхчүүд Токиогийн зуны олимпийн наадамд зургаан жинд зургуулаа буюу түүхэндээ анх удаа бүтэн багаараа оролцохоор болов.

ОХУ-ын гурван бөх шигшээд шалгарснаар ОХУ 2008 оноос хойш анх удаа бүтэн багаар оролцох болсон бол Япон, АНУ, Хятад мөн бүтэн багаа Токиод илгээнэ.

Олимпын эрхийн дэлхийн тэмцээний финалд шалгарсан бөхчүүд

50 кг. Сема Сема (Энэтхэг) - Лусия Йепез Гузман (Эквадор)

53 кг. Андреа Ана (Румын) - Ольга Хорошавцева (ОХУ)

57 кг. Матильда Ривьер (Франц) - Вероника Чумикова (ОХУ)

62 кг. Х.Болортуяа (Монгол) - Любовь Овчарова (ОХУ)

68 кг. Элис Манолова (Азербайжан) - Мими Христова (Болгар)

76 кг. Ясмин Адар (Турк) - Алла Белинская  (Украин)

Олимпын эрх авсан орнууд

50 кг: Азербайжан, Румын, Казахстан, ОХУ, Украин, Хятад, Куба, АНУ, Болгар, Турк, Тунис, Нигер, Япон, Монгол, Энэтхэг, Эквадор.

53 кг: Хойд Солонгос, Япон, Хятад, Энэтхэг, Грек, Польш, Беларусь, Швед, Куба, АНУ, Камерун, Гуам, Монгол, Казахстан, Румын, ОХУ.

57 кг: Япон, Хятад, Нигер, Беларусь, Польш, Молдав, Болгар, Украин, Мексик, АНУ, Тунис, Гвиней, Монгол, Энэтхэг, Франц, ОХУ.

62 кг: Киргиз, Болгар, Япон, Швед, Унгар, Хойд Солонгос, Украин, Латви, Бразил, АНУ, Тунис, Нигер, Хятад, Энэтхэг, Монгол, ОХУ.

68 кг: АНУ, Швед, Монгол, Герман, Украин, Япон, ОХУ, Франц, Канад, Куба, Нигер, Египет, Хятад, Киргиз, Азербайжан, Болгар.

76 кг: АНУ, Япон, Герман, Эстони, Хятад, Казахстан, ОХУ, Беларусь, Канад, Бразил, Египет, Тунис, Монгол, Киргиз, Турк, Украин.