XX зууны шилдэг дасгалжуулагч Дмитрий Миндиашвили нас барлаа

ОХУ-ын чөлөөт бөхийн алдарт дасгалжуулагч, Хөдөлмөрийн баатар Дмитрий Миндиашвили өнөөдөр 88 насандаа насан эцэслэлээ.
 

Дмитрий Миндиашвили нь олимпын олон удаагийн аварга Иван Ярыгин, Бувайсар Сайтиев нарын багш, ЗХУ, ОХУ-ын XX зууны шилдэг дасгалжуулагчаар тодорч байсан агуу сурган хүмүүжүүлэгч байлаа.

Дмитрий Георгиевич Миндиашвили Красноярск хотын эмнэлэгт уушгины үрэвслийн улмаас хэвтэн эмчлүүлж байгаад өнгөрсөн долоо хоногийн Пүрэв гарагаас сэхээн амьдруулах тасагт шилжээд байсан юм.

Миндиашвили 1973 онд Сибирь, Алс Дорнодын анхны бөхийн сургуулийг байгуулсан нь сүүлд дэлхийн шилдэг сургуулиудын нэг болсон билээ.