Ойн түймэр секвоя аварга модны 10-14 хувийг устгажээ

Я.Болор | Zindaa.mn
2021 оны 06 сарын 04

2020 онд АНУ-ын Калифорни мужид гарсан ой хээрийн түймэрт  секвоя аварга модны дэлхийн нөөцийн 10-14 хувийг устгасан тухай CNN агентлаг мэдээлжээ.

АНУ-ын Үндэсний байгалийн цогцолборт газруудын албаны тайланд дурдсанаар, судлаачид хиймэл дагуулаас авсан гэрэл зургуудыг судалсны үндсэн дээр ийм дүгнэлтэд хүрчээ. Тус тайланг ойрын долоо хоногуудад олон нийтийн хүртээл болгох гэнэ.

Мянга гаруй жилийн настай 7500-10600 секвоя мод үгүй болсон нь асар их хохирол юм гэж Калифорнийн дархан цаазтай газруудыг хариуцсан судлаач Кристи Бригем онцолсон байна.

Аварга секвоя мод зөвхөн АНУ-ын Номхон далайн эрэг орчмын бүс нутагт ургадаг байна. Секвоя мод өндрөөрөө 90 м, диаметр нь 8 метр хүрдэг. Хамгийн “өндөр настай” мод нь гурван мянган жилээс дээш настай гэнэ.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Gg (174.251.64.69)  2021 оны 06 сарын 07

Hyataduud horlon suitgesen gej boddog .nodningiin amerkiin tuimeriig

0  |  0
монгол хүн (49.0.154.173)  2021 оны 06 сарын 05

өчнөөн хүчирхэг баян улс байж хэдэн мод хараад арчлаад байж чаддаггүй юм уу арай ч дээ дайн хийж байхаар экологт анхаарна уу ану гуай

0  |  0
Top