Жүдо: Япончууд дийлсэн ДАШТ болж өнгөрлөө

Унгарын нийслэл Будапешт хотод жүдо бөхийн ДАШТ энэ сарын 6-13-нд болж өнгөрлөө. Токиогийн олимпын наадмаас сар гаруйхны өмнө явагдсанаараа онцдог тус тэмцээн жүдо бөхийн эх орон Японы бүрэн давамгайлал дор өнгөрлөө гэхэд болно. Япончууд тус тэмцээнд нөөц багаа илгээсэн ч сэлгээний тамирчид нь дэлхийд дийллээ. Ганцаарчилсан барилдааны сүүлийн өдөр Сара Асахина, Кокоро Кагэүра нар түрүүлснээр Японы баг 5 алт, 4 мөнгө, 2 хүрэл медаль авсан юм. Ард нь алт, мөнгө, хоёр хүрэлтэй Гүрж, Испанийн баг жагслаа.

Холимог багийн тэмцээнд ч Японы баг түрүүллээ. Францын шигшээ мөнгөн медаль хүртэж, Бразил, Узбекистаны шигшээ хүрэл медальтай нутаг буцлаа.

Манай баг холимог багийн тэмцээний эхний тойрогт ОХУ-ын шигшээтэй таарч, 4:0 ялагдсан билээ.

Эхлээд эмэгтэй 70 кг-ийн барилдаан болж, А.Адьяасүрэн, Оросын Дарья Владимировад иппон ялагдсан. 1:0.

Дараа нь эрэгтэй +90 кг-д Б.Гончигсүрэн ОХУ-ын Ален Цховребовтой барилдаж, иппон ялагдлаа. 2:0.

Эмэгтэй 57 кг-д Э.Сумъяа, ОХУ-ын Конкинад өчүүлж ялагдсан. 3:0.

Эрэгтэй 73 кг-д Ц.Цогтбаатар Аюб Хажалиевт иппон ялагдлаа. 4:0.

Япон – Франц 4:0

73 kg

HASHIMOTO, Soichi - GABA, Joan-Benjamin

70 kg

NIIZOE, Saki - GAHIE, Marie Eve

90 kg

NAGASAWA, Kenta - DAMIER, Francis

+70 kg

AKIBA, Maya - FONTAINE, Lea