24 ЦАГТ: 1309 тохиолдол бүртгэгдэж, 5 хүн нас баржээ

Сүүлийн 24 цагийн хугацаанд Монгол Улсын хэмжээнд коронавируст халдварын 1309 тохиолдол нэмж бүртгэгдлээ. Эдгээрийн 523 нь Улаанбаатарт, 786 нь орон нутагт илэрчээ.

Мөн хугацаанд 3 эмэгтэй, 2 эрэгтэй, нийт таван иргэн нас барсан байна. Нас барсан иргэдийн нэг нь 21-40 насны бүлэгт хамаарах бол бусад нь 61-ээс дээш насны өвчтөнүүд байжээ.

Сүүлийн 24 цагт эмнэлэгт болон гэрийн тусгаарлалтад байсан 3501 өвчтөн эрүүл болсон гэж ЭМЯ мэдээллээ. 

Өнөөдрийн байдлаар эмчлүүлж байгаа 9941 өвчтөн байгаа бөгөөд биеийн байдлын хувьд
 

• Хөнгөн - 5852
• Хүндэвтэр - 2979 
• Хүнд - 896
• Нэн хүнд - 214 өвчтөн байна.