ТОКИО 2020: Байтын тамирчин Б.Отгонболд 54-т эрэмбэлэгдэв

Токиогийн олимпын наадамд оролцох Монголын баг тамирчдаас хамгийн түрүүнд байт харвааныхан тэмцээндээ орлоо.

Өнөөдөр 09:00 цагаас эмэгтэй, 13 цагаас эрэгтэйчүүдийн урьдчилсан чансаа тогтоох харвалт боллоо.

Манай улсаас энэ төрөлд Б.Отгонболд (Эрэгтэй, ганцаарчилсан, холимог), Б.Урантунгалаг  (Эмэгтэй, ганцаарчилсан төрөл, холимог) хоёр оролцож байна.

“Токио-2020” зуны XXXII олимпын наадамд оролцож буй Монголын баг тамирчдын салхийг хагалж, Б.Урантунгалаг чансаа тогтоох сум тавьсан ба урьдчилсан харваанд 72 харваж, 614 оноо аван, 58-д бичигджээ.

Харин үдээс хойш Б.Отгонболд урьдчилсан харваанд 72 сум тавьж, 536 оноогоор 54-т бичигдлээ.
 

Эхний дөрвөн байрны гуравт нь БНСУ-ын харваачид шалгарч, энэ төрөлд дэлхийд шилдэг гэдгээ харууллаа.

БААТАРХУЯГИЙН ОТГОНБОЛД

Спортын төрөл: Байт харваа

Төрсөн огноо: 1996.12.20

Амжилт
 

• Армийн дэлхийн тоглолтын холимог баг - Алт
• “Asian cup stage” тэмцээний эрэгтэй баг - Мөнгө
• “Asian cup stage” тэмцээний хувийн төрөл - Хүрэл
• Азийн наадмын тест тэмцээний эрэгтэй баг - Хүрэл
• Азийн наадмын холимог баг, эрэгтэй багийн тэмцээн - IV байр
• Олимпийн наадмын эрх олгох тэмцээний эрэгтэй баг - Улсын дээд амжилтыг шинэчлэн тогтоосон
• Улсын хошой аварга