ТОКИО 2020: С.Батцэцэг ОХУ-ын Велиеватай барилдана

2021 оны 08 сарын 02

Токиогийн олимпын наадмын чөлөөт бөхийн тэмцээний хоёр дахь өдөр буюу өнөөдөр эмэгтэй 68 кг-ын жингийнхэн барилдаж байна.

Энэ жинд барилдаж байгаа Гавьяат тамирчин С.Батцэцэг 1/8 шигшээд ДАШТ-ий мөнгө, хүрэл медальт Францын Кумба Ларрокийг ялсан.

Шөвгийн наймд тэрээр Европын аварга ОХУ-ын Ханум Велиеватай барилдах боллоо. Велиева эхний барилдаандаа Канадын Даниэла Лаппожийг 7:0 ялсан.

Ханум Велиева бол азербайжан гаралтай орос бөх. 2020 оны Европын аварга, Гран-при Иван Ярыгин тэмцээний аварга. 22 настай. 2020 онд оролцсон тэмцээн болгондоо түрүүлсэн. Өнгөрсөн дөрөвдүгээр сард Польшид болсон Европын АШТ-д мөнгөн медаль хүртсэн.

1/8 финал

Тамира Менса (АНУ) - Сара Дошо (Япон) - 10:0

Фен Чжоу (Хятад) - Юдари Санчес Родригес (Куба) - 13:2

Агнешка Вещек (Польш) - Алла Черкасова (Украин) - 0:11

Энас Ахмед (Египет) - Анна Шелль (Герман) - 0:7

Кумба Ларрок (Франц) – С.Батцэцэг (Монгол) - цэвэр

Ханум Велиева (ОХУ) - Даниэль Лаппаж (Канад) - 7:0.

Мими Христова (Болгар) - Мээрим Жуманазарова (Киргиз) - 5:7

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зангар(202.179.26.73) 2021 оны 08 сарын 02

Ялна гэж дэвжээн дээр гарахгүй бол шууд ялагдана.

0  |  0
Зочин(37.47.226.181) 2021 оны 08 сарын 02

Azeriig bas huniad og nadah chin zaahan hodolgoontej technik muutaj jum bn lee

0  |  0
Top