Симеон Штерев: Велиева монгол бөхөд сэтгэл зүйгээр ялагдлаа

Өнөөдөр Токиогийн олимпын эмэгтэй чөлөөт бөхийн 68 кг-ийн жингийн барилдаанууд явагдаж байна.

Манай бөх С.Батцэцэг шөвгийн наймд ОХУ-ын Ханум Велиеваг 8:5 оноогоор ялсан билээ.

Барилдааны дараа орос бөхийн дасгалжуулагч, болгар мэргэжилтэн Симеон Штерев “Яг ижилхэн хоёр алдаа гаргалаа. Хөлд ороход нь монгол бөх дагуулж шидээд, бүхэл дөрвөн оноо авсан. Дахиж хөлд орсон ч дахиад шидүүллээ. Уг нь Ханумыг зовох юмгүй ялна гэж бид бодож байлаа. Даанч сэтгэл зүйн хувьд бэлэн биш байжээ. Эхний барилдаанд сайн байсан ч хоёр дахь барилдаанд өөрийгөө харуулж чадсангүй. Нэг алдаагаа давтана гэдэг толгой нь ажиллахгүй байна гэсэн үг. Монгол тамирчин финалд шалгарвал дагаж барилдах болно” гэж шавиа шүүмжиллээ.
 

Гэрэл зургийг Э.ХАРЦАГА
 

1/8 финал

Тамира Менса (АНУ) - Сара Дошо (Япон) - 10:0

Фен Чжоу (Хятад) - Юдари Санчес Родригес (Куба) - 13:2

Агнешка Вещек (Польш) - Алла Черкасова (Украин) - 0:11

Энас Ахмед (Египет) - Анна Шелль (Герман) - 0:7

Кумба Ларрок (Франц) – С.Батцэцэг (Монгол) - цэвэр

Ханум Велиева (ОХУ) - Даниэль Лаппаж (Канад) - 7:0.

Мими Христова (Болгар) - Мээрим Жуманазарова (Киргиз) - 5:7

Элис Манолова (Азербайжан) - Блессинг Оборудуду (Нигер) - 2:13

1/4 финал

Тамира Менса (АНУ) - Фэн Чжоу (Хятад) - 10:0

Алла Черкасова (Украин) - Анна Шелль (Герман) - 6:0

Ханум Велиева (ОХУ) – С.Батцэцэг (Монгол) - 5:8

Мээрим Жуманазарова (Киргиз) - Блессинг Оборудуду (Нигер) -2:3

Хагас шигшээ

Тамира Менса (АНУ) - Алла Черкасова (Украин)

С.Батцэцэг (Монгол) - Блессинг Оборудуду (Нигер)