ЧӨЛӨӨТ БӨХ: С.Батцэцэг Киргизийн бөхтэй барилдахаар боллоо

2021 оны 08 сарын 03

Токиогийн олимпын наадмын чөлөөт бөхийн тэмцээний гурав дахь өдөр буюу өнөөдөр (2021.08.03) эмэгтэй 68 кг-ын жингийн медалийн төлөө барилдаантай.

Энэ жинд барилдаж байгаа Гавьяат тамирчин С.Батцэцэг 1/8 шигшээд ДАШТ-ий мөнгө, хүрэл медальт Францын Кумба Ларроктой учраа таарсан. Гурван оноо дутуу байхдаа барилдаан дуусахаас 19 секундын өмнө мордож 4 оноо аван, үргэлжлүүлэн цэвэр дарж ялсан.

Дараа нь 1/4 шигшээд 2019 оны ЕАШТ-ий алт, мөнгөн медальт ОХУ-ын Ханум Вилиеваг 8:5-аар ялсан.

Хагас шигшээд Блессинг Оборудудутай (Нигери) барилдаж, 2:7 ялагдсан.

Ингээд манай бөх хүрэл медалийн төлөө Блессинг Оборудудуд ялагдсан хоёр бөхийн хэн ялсантай нь барилдах боллоо. Блессинг эхлээд Азербайжаны Маноловаг 13:2 ялж, дараа нь Киргизийн Мээрим Жуманазароваг 3:2 ялж, хагас шигшээд шалгарсан.

Манолова, Жуманазарова хоёрын барилдаанд Мээрим Жуманазарова 4:1 илүүрхэж, хагас шигшээд С.Батцэцэгтэй барилдах эрх авлаа.
 


МЭЭРИМ ЖУМАНАЗАРОВА
 

Дэлхийн цом 2020 - Алт

Азийн наадам
 

  • Жакарта 2018 - Хүрэл
     

Азийн АШТ
 

  • Бишкек 2018  - Хүрэл
  • Сиань 2019 – Хүрэл
  • Алматы 2021 - Алт

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Үнэ(64.119.22.194) 2021 оны 08 сарын 03

Японы хүүхнүүд нэг хэсэг дэлхийд ноёрхсон. Одоо аажмаар Киргиз эмэгтэй бөхөөр ноёрхож эхлэх гээд байна даа

0  |  0
Top