Михан Лопес ОЛИМПЫН 4 удаагийн аварга боллоо

Энэ Даваа гарагт Токио олимпын сонгомол барилдаан, эмэгтэй чөлөөт бөхийн тэмцээн эхлэж, анхны аваргууд тодорсон.

Гол үйл явдал нь 38 настай Кубын домог Михан Лопесийн (130 кг) олимпын 4 дэх алтан медаль байлаа. Михан финалд Гүржийн Якоб Кажайг (5:0) ялсан юм. Тэрээр дөрөв барилдахдаа нийт 24:0 оноогоор ялсан юм.

Михан Лопес спорт бөхийн төрөлд олимпын 4 удаагийн аварга болсон анхны эрэгтэй тамирчин (2008, 2012, 2016, 2020) болж байгаа юм. Эмэгтэйчүүдээс Японы Каори Ичо олимпод 4 (2004, 2008, 2012, 2016) түрүүлж байв.

60 кг-д ч Кубын Луис Орта Санчес талбайн эзэн Кеничиро Фумитаг 5:1 ялж, олимпын аварга болсон.

Сонгомол барилдаан

60 кг

Финал

Луис Орта Санчес (Куба) - Кеничиро Фумита (Япон) - 5:1

Хүрэл медалийн төлөө

Сергей Емелин (ОХУ) - Виктор Чобану (Молдав) - 12:1

Сайлике Валихан (Хятад) - Ленур Темиров (Украин) 1:1 (+:- )

130 кг

Финал

Михан Лопес (Куба) - Якоби Кажая (Гүрж) - 5:0

Хүрэл медалийн төлөө

Риза Каялп (Турк) - Али Реза Нежати (Иран) - 7:2

Сергей Семенов (ОХУ) - Ясмани Акоста Фернандеса (Чили) - 1:1 (+:- )

Эмэгтэй

76 кг

Финал

Алина Роттер-Фокен (Герман) - Аделин Грэй (АНУ) - 7:3

Хүрэл медалийн төлөө

Ясмин Адар (Турк) - Айпери Медет Кызы (Кыргызстан) - цэвэр

Хирое Минагава (Япон) - Цянь Чжоу (Хятад) – цэвэр