Б.Хонгорзул Гвиней бөхийг цэвэр ялж, хүрэл медалийн төлөө барилдах боллоо

2021 оны 08 сарын 05

Токиогийн олимпын наадмын чөлөөт бөхийн эмэгтэй 57 кг-ын жингийн дагах барилдаан явагдлаа.

Манай бөх Б.Хонгорзул эхний тойрогт Францын Матильде Ривиерег 7:2 оноогоор ялсан. Дараагийн тойрогт 2016 оны олимпын аварга, дэлхийн 3 удаагийн аварга, Азийн 4 удаагийн аварга Японы Рисако Каваитай барилдаж, 0:7 ялагдсан.

Кавай жингийнхээ финалд шалгарсан тул Б.Хонгорзул дагах барилдаан хийх эрхтэй боллоо. Дагах барилдаанд манай бөх эхний тойрогт Каваид ялагдсан Фатумата Камаратай (Гвиней) барилдлаа.

Африк бөхтэй барилдахад ямар ч асуудал гарсангүй. Барилдаан эхлээд дэвжээний захад шидэж, 4 оноо авсан бөх, дараа нь хөлд орж ард нь гарч 2 оноо, эргүүлсээр 10:0 оноогоор цэвэр яллаа.

Орой 20,50 цагт тэр АНУ-ын олимпын аварга Хелен Марулистай хүрэл медалийн төлөө барилдах болно.

Гэрэл зургийг Э.Харцага

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Жинхэнэ үнэн нь(192.82.89.16) 2021 оны 08 сарын 05

За яахав ээ, сүүлийн Олимп Дэлхийн аврага алдарт Америкийн аваргыг Хонгорзул одоогоор яагаад ч дийлэхгүйг бүгд мэдэж байгаа. Гэхдээ хэрвээ сугалаа байж болохоор хамгийн муу таараагүй байсан бол Хонгорзул бусдыг нь ялаад хүрэл медаль авах л байсан шүү гэдэгийг бүгд харсан, үзсэн

1  |  0
Жавзанжамьян(66.181.161.127) 2021 оны 08 сарын 05

Баянхонгорынх юм чинь медаль авна даа

1  |  1
.(192.82.82.55) 2021 оны 08 сарын 05

ih ireedui ohin gj harj bgaa

2  |  1
Top