ЖҮДО: Загребийн Гран Прид оролцох ОХУ-ын шигшээ баг

Энэ сарын 24-26-нд Хорватын нийслэлд болох Гран При тэмцээнээр жүдо бөхийн цуврал тэмцээнүүд эхэллээ. Энэ тэмцээн нь Токио олимпын дараахь хамгийн өндөр чансааны оноотой тэмцээн бөгөөд сүүлийн 2 жилд болж байгаа анхны Гран при тэмцээн юм. Олон улсын жүдо бөхийн холбооноос сүүлийн жил олимпын бэлтгэл болгон дандаа Их Дуулга тэмцээн зохион байгуулж байсан билээ.

ОХУ-ын жүдо бөхийн холбооноос Загреб Гран Прид оролцох багаа зарлалаа.

66 кг - Мастерс-2021 хүрэл медальт, Канкун Гран-при-2018 аварга Арам Григорян, Дэлхийн цувралын 5 тэмцээний аварга Абдула Абдулжалилов.

73 кг – Казаний Их Дуулга тэмцээний финалд өрсөлдсөн Махмадбек Махмадбеков,  Аюб Хажалиев.

90 кг – Европын аваргын хошой хүрэл медальт, Гран При тэмцээний 3 удаагийн аварга Хусен Халмурзаев.

100 кг – 2019 оны Европын наадмын аварга, 2019 оны Екатеринбург Их Дуулга тэмцээний аварга Арман Адамян.

Эмэгтэй

48 кг – Евро-2021 хүрэл медальт, 2019 оны Ташкент Гран При тэмцээний аварга Сабина Гилязова.

52 кг – 2017 оны Европын АШТ-ий мөнгөн медальт, 2013 оны Циндао Гран При тэмцээний аварга Алеся Кузнецова.

78 кг – 2018 оны Анталья Гран При хүрэл медальт Нюргуяна Никифорова.

Тэмцээн 3 хоног үргэлжилнэ. 24-нд эмэгтэй 48, 52, 57 кг, эрэгтэй 60, 66 кг-ийн барилдаантай. Бямба гараг буюу 25-нд эмэгтэй 63, 70 кг, эрэгтэй 73, 81 кг, Ням гарагт эмэгтэй 78, +78, эрэгтэй 90, 100, +100 кг-ийн барилдаантай.