ФУТЗАЛЫН ДАШТ-ий хасагдах шатанд тоглох багууд тодров

Админ | Zindaa.mn
2021 оны 09 сарын 21

Ц.Энхтүвшин, “Таван цагариг”

Литвад болж буй футзалын Дэлхийн аварга шалгаруулах тэмцээний хэсгийн тоглолтууд дуусч , хасагдах шатанд тоглох 16 багийн нэр тодорлоо.

Футзалын  дэлхийн 5 удаагийн аварга (1989, 1992,1996, 2008, 2012), ДАШТ-ий мөнгө, хүрэл медальт Бразил,

Дэлхийн хошой аварга (2000, 2004), ДАШТ-ий гурван мөнгө, хүрэл медальт Испани, 2016 оны дэлхийн аварга Аргентин, ДАШТ-ий мөнгө, хүрэл медальт ОХУ-ын хөлбөмбөгчид хэсгийн тоглолтод нэг ч оноо алдаагүй хэсгээ тэргүүлсэн.

ДАШТ-д анх удаагаа оролцож буй Венесуэлийн шигшээ баг хэсгийн тоглолтод хоёр хожиж, нэг тэнцээд шөвгийн 16-д шалгарлаа.

Манай Ази тивээс ДАШТ-д оролцож буй бүх багууд буюу Иран, Япон, Узбекистан, Тайланд, Вьетнамын шигшээ шилдэг 16-д үлдэв. ДАШТ-ий хүрэл медальт Ираны баг үнэхээр үзүүштэй, гоё тоглож байна. Тэд хэсэгтээ хоёр хожоод дэлхийн аварга Аргентиний багтай эн тэнцүү тоглож 1:2-оор ялагдан, хоёроор хэсгээсээ гарлаа. Мөн Узбекистан хэсэгтээ хоёрдугаарт бичигдсэн бол Тайланд, Вьетнам, Японы багууд гуравт орсон багуудаас үзүүлэлтээр шалгаран 16-д тоглох эрх авсан.

Есдүгээр сарын 22-ноос шилдэг 16 багийн хасагдах шатны тоглолт эхлэх бөгөөд Венесуэл-Марокко, Бразил-Япон, ОХУ-Вьетнам, Аргентин-Парагвай, Испани-Чех, Португал-Серб, Узбекистан-Иран, Казахстан-Тайланд гэсэн оноолтоор тоглоно. Эндээс харахад шилдэг наймд Ази тивийн хоёр баг үлдэх нь тодорхой харагдаж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(172.69.252.138) 2021 оны 09 сарын 22

Вьетнам гэнэ уу, телегнууд тэгж их сайжирчихсан юм байх даа

0  |  0
Top