Антон Шипулин Төрийн Думын сонгуульд ялалт байгууллаа

Биатлоны дэлхийн аварга Антон Шипулин ОХУ-ын Төрийн Думын сонгуульд өрсөлдөж ялалт байгууллаа.

Антон Свердловск мужийн Серовын нэг мандаттай тойрогт Единая Россия намаас өрсөлдөж, сонгогчдын 40,63 хувийн саналаар сонгогдсон байна.

Түүний ард Коммунист намын Габбас Даутов (20,28%), Справедливая Россия намын төлөөлөгч Алексей Коровкин (12,24%) нар оржээ.

Шипулин 2018 оны 12 дугаар сард зодог тайлж, 2019 онд Төрийн Думын нөхөн сонгуулиар депутат болоод байсан юм.