Замболат Тедеев: Хөрөнгө гаргахгүй бол шилдэг бөхчүүдээ алдлаа

ОХУ-ын чөлөөт бөхийн шигшээ багийн ахлах дасгалжуулагч Замболат Тедеев ярилцлага өгөхдөө Олимпын аварга тамирчинд улсаас өгдөг мөнгийг бага байна гэж шүүмжиллээ.
 

Тедеев “Орост олимпын аваргадаа 56 мянган ам.доллар өгдөг. Хуучин ЗХУ-ын бүрэлдэхүүнд байсан улсууд дунд ч бид хамгийн бага шагнал өгдөг гэж тооцогдож байна.

Гүрж, Узбекистан, Азербайжанд шагнал маш өндөр. Хамаг сайн тамирчнаа гадаадад алдах аюул тулгараад байна. Хэрэв үнэхээр өндөр амжилт үзүүлвэл тамирчнаа урамшуул л даа. Эсвэл ямар нэг том компанид даалгачих. Тэд дуртай нь аргагүй шагнана. Бид спортын их гүрэн гээд л байдаг. Гэтэл олимпын тамирчдаа, дасгалжуулагч нараа үнэлэхгүй байна. Үнэхээр гомдолтой. Гадаадын тамирчинд болохоор сард 10 мянгаас дээш ам.долларын цалин өгнө. Харин өөрийн тамирчиндаа сард 130 мянган рубль л өгөх жишээтэй.

Би сард 130-140 мянган рублийн цалинтай. Үүнээсээ 100 мянгыг нь жолоочдоо өгдөг. Фабио Капелло ОХУ-ын хөлбөмбөгийн шигшээ багийн дасгалжуулагч байхдаа жилд 6 сая еврогийн цалин авдаг байсан. Ямар ч амжилт үзүүлээгүй. Харин манай чөлөөт бөх амжилт үзүүлж байна. Гэтэл шагнал алга. Хүүхдүүд бөхчүүдээ хараад “Олимп, дэлхийн аварга болчихвол санхүүгийн ямар ч асуудалгүй болох юм байна гэж боддог байх ёстой” гэж ярьжээ.