Х.Энх-Амарын өрсөлдөгч Овик Оганнисян гэж хэн бэ?

Автор | Zindaa.mn
2021 оны 09 сарын 25

Москва хотод болж байгаа армийн дэлхийн аварга шалгаруулах боксын тэмцээний хагас шигшээ тоглолтууд өчигдөр явагдлаа.

56 кг-ийн жинд Х.Энх-Амар Алжирийн Усама Морджанег ялж, алтан медалийн төлөө ОХУ-ын Овик Оганнисянтай тулалдах болсон. Армен гаралтай орос тулаанч хагас шигшээд Казахстаны Рустем Шауменовыг 3:2 ялсан.

Овик Оганнисян 28 настай. 2013 оны Европын аваргын тэмцээний хүрэл медальтай. 2011 оноос ОХУ-ын шигшээ багт орсон. ОХУ-ын аварга. ОУХМ цолтой.
 


2012 оны УАШТ-д бүх өрсөлдөгчөө ялж, түрүүлсэн. 2013 онд Минскт болсон Европын АШТ-д хагас шигшээд Ирландын Майкл Конланд ялагдаж, хүрэл медаль зүүж байлаа. Энэ амжилтыг нь үнэлэн, түүнд Олон улсын хэмжээний мастер цол олгосон юм.

2013/2014 оны улирлаас хагас мэргэжлийн WSB лигийн тэмцээнд тогтмол оролцож байна.
 


Гэвч 2012 оноос хойш жиндээ улсын аварга болж чадахгүй, мөнгө, хүрэл медаль дээр бууж байгаа тамирчин юм.
 


Х.Энх-Амар, Овик Оганнисян хоёр 2019 оны Уханьд болсон Армийн наадамд таарч, орос боксчин ялж байв.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Амжилт хүсье (192.82.78.69)  2021 оны 09 сарын 25

АМЖИЛТ

0  |  0
Top