ДАШТ: Т.Түвшинтулга ялж, Э.Бямбадорж, Г.Ганхуяг нар ялагдлаа

Өнөөдөр буюу аравдугаар сарын 2-нд Норвегийн Ослод чөлөөт бөх, сонгомол барилдааны Дэлхийн аварга шалгаруулах тэмцээн (ДАШТ) эхэлж байнаө. Өнөөдөр эрэгтэй 61-74-86-125 кг-ийн жингийн барилдаантай.

Манайхнаас хамгийн түрүүнд 74 кг-ийн (29 бөх) жингийн Э.Бямбадорж гарч ирсэн. Тэрээр 2019 оны дэлхийн аваргын хүрэл медальт Ираны Ё.Эмамичогад 12-2 оноогоор цэвэр ялагдлаа.
 

Дараа нь 61 кг-д (25 бөх) ДАШТ-ий хүрэл медальт Т.Түвшинтулга Кыргызстаны У.Жолдошбековтой барилдлаа. 5-3 ялагдаж байх үед Т.Түвшинтулга киргиз бөхийг түрэн орж ирэхэд нь давуулан шидсэн. Харин шүүгч киргиз бөхөд 1 оноо өгсөн байлаа. Манай тал чэллэнж шидэн, шүүгч нар бичлэг үзээд челленжийг буцаан, Киргиз бөхөд дахин нэг оноо өглөө. Ийнхүү цаг дуусах дөхөж байхад 7-3 ялагдаж эхлэв. Харин манай бөх барилдаан эхлэнгүүт хөлд нь орж 2 оноо, эргүүлээд 2 оноо авснаар оноог 7-7 тэнцүүлэн, сүүлийн оноогоор дараагийн шатанд шалгарлаа. Өрсөлдөгч нь Украины Yaroslav Hurskyy.
 

86 кг-д (25 бөх) Г.Ганхуяг Японы Х.Ишигүротой барилдаж, 4-7 ялагдлаа. Харин 125 кг-д М.Лхагвагэрэл дэлхийн 3 удаагийн аварга Гено Петриашвилид 1-11 ялагджээ.