ОСЛО-2021: Өнөөдөр барилдах манай бөхчүүдийн өрсөлдөгчид

Чөлөөт бөх, сонгомол барилдааны ДАШТ-ий хоёрдахь өдөр эрэгтэй чөлөөт бөхийн 57 кг, 65 кг, 79 кг, 92 кг-ийн барилдаан явагдана.

57 кг (22 бөх). ДАШТ-ий хошой хүрэл медальт, Монгол Улсын гавьяат тамирчин Э.Бэхбаяр Казахстаны М.Картбайтай таарсан. Түүнийг давахад Гүржийн Гога Жигуа, Беларусын  Aryan Tsiutryn хоёрын ялсантай барилдана. Энэ жинд эхний тойрогт АНУ-ын Гилман, ОХУ-ын Абубакар Муталиев хоёр учраа таарсан байна.

65 кг (27 бөх). ОУХМ Т.Тулга эхний тойрогт хийлж, дараагийн тойрогт Кени-Японы бөхчүүдийн хэн ялсантай нь барилдана. Японы Кайки Ямагүчитэй барилдах нь бараг тодорхой болов уу. Идэрчүүдийн дэлхийн аваргын алтан медальтай бөх.

79 кг (25 бөх). Б.Бат-Эрдэнэ Энэтхэгийн Б.Гоуравтай таарсан. 2020 оны Азийн аваргын мөнгөн медальтай, 20 настай залуу бөх. Мөн 2021 оны идэрчүүдийн ДАШТ-ий хүрэл медальтай. Олимпын аварга Жордан Барроуз нөгөө хэсэгт байгаа бол манай бөхийн хэсэгт Гүржийн Ника Кенчадзе оржээ.

92 кг (20 бөх). Д.Оргилох дэлхийн хошой аварга АНУ-ын Жэйден Кокстой оноолт таараад байна. Энэ хэсэгт мөн Ираны Гасемпур байгаа бол нөгөө талд Европын аварга Магомед Курбанов оржээ.

Мөн өнөөдөр 61 кг, 125 кг-ийн дагах, медалийн барилдаанууд явагдах юм. Т.Түвшинтулга Туркийн Европын залуучуудын АШТ-ий хүрэл медальт, Ясур Догу тэмцээний хүрэл медальт Эмрах Орманоглутай, М.Лхагвагэрэл Австрийн Йоханнес Людуширтай барилдана. Түмэнбилэгийн Түвшинтулга ялах юм бол Японы Тошихиро Хасэгаватай, М.Лхагвагэрэл ялбал Казахстаны Олег Болтинтой хүрэл медалийн төлөө барилдах юм.