ДАШТ-ийн хүрэл медальт М.Лхагвагэрэлийн барилдаанууд

Норвегид болж байгаа чөлөөт бөхийн ДАШТ-ий эрэгтэй 125 кг-ын жинд манай бөх М.Лхагвагэрэл хүрэл медаль авсан билээ.

Тэрээр эхний тойрогтоо Гүржийн алдарт бөх, олимпын мөнгө, хүрэл медальт, дэлхийн 3 удаагийн аварга Гено Петриашвилид ялагдсан.
 

Дагах барилдаанд Австрийн Йоханнес Людуширтай барилдаж, 4:0 ялсан.
 

Хүрэл медалийн төлөө Казахстаны Олег Болтинтой барилдаж, 5:3 ялан, дэлхийн аваргын хүрэл медаль хүртлээ. Энэ ДАШТ-ий Монголын багийн анхны медаль.
 

 

 

 

Гэрэл зургийг Д.Нямбилэг, Осло хотоос