ОСЛО-2021: Д.Отгонжаргал 11:2 харьцаагаар яллаа

Норвегийн Ослод болж байгаа чөлөөт бөхийн ДАШТ-д өнөөдөр эмэгтэй 50-53-65-76 кг дөрвөн жингийн барилдаан явагдаж байна.

Хамгийн түрүүнд эмэгтэй 50 кг-д Долгоржавын Отгонжаргал Туркийн Эвин Демирхантай барилдлаа. Эвин 26 настай. 2017 оны ДАШТ-ий хүрэл медальт, 2018, 2019 оны Европын АШТ, 2019 оны Европын наадмын хүрэл медальтай. 2017 оны Газрын дундад тэнгисийн орнуудын наадмын аварга, 2017 оны U-23 дэлхийн аварга.

Чац урт өрсөлдөгчөө манай бөх хурд, хүчээр илүүрхлээ. 11:2 оноогоор илт давуу ялалт.

Дараагийн тойрогт Панамерикийн АШТ-ий сүүлийн хоёр жилийн хүрэл медальт, Бразилийн Камила Барбосатай барилдана.