ОСЛО-2021: Ө.Батзул, Э.Гантуяа нар хүрэл медалийн төлөө барилдана

Норвегийн Ослод болж байгаа чөлөөт бөхийн ДАШТ-д өнөөдөр эмэгтэй 50-53-65-76 кг дөрвөн жингийн барилдаан явагдаж байна. Мөн хоёр жинд дагах барилдаантай.

Эрэгтэй 97 кг-ын жинд Өлзийсайханы Батзул, Македоны Магомедгажи Нуровтой дагах барилдаанд таарч, 6:0 яллаа.

Одоо манай бөх хүрэл медалийн төлөө Ираны Mojtaba Mohammadshafie GOLEIJ-тэй барилдана.

Эмэгтэй 62 кг-д Энхбатын Гантуяа ОХУ-ын Алина Касабиеватай дагах барилдаан хийлээ. Э.Гантуяа 12-8 ялж, хүрэл медалийн төлөө барилдах боллоо.

Бразилын Панамерикийн хошой аварга, Панамерикийн наадмын хүрэл медальт Лайс Нуньестэй хүрэл медалийн төлөө барилдана.