Ө.Батзул хүрэл медалийн барилдаанд ялагдлаа

Норвегийн Ослод болж байгаа чөлөөт бөхийн ДАШТ-д өнөөдөр эрэгтэй 97 кг-ын жингийн медальтнууд тодорлоо.

Эрэгтэй 97 кг-ын жинд Өлзийсайханы Батзул барилдсан.

Ө.Батзул эхлээд 2020 оны Панамерикийн АШТ-ий хүрэл медальт Канадын Nishan Preet Singh RANDHAWA-тай таарч, 10:0 оноогоор цэвэр ялсан.
 

Дараа нь АНУ-ын Кайл Снайдерт 14:4 оноогоор цэвэр ялагдсан.
 

Дагах барилдаанд Македоны Магомедгажи Нуровтой дагах барилдаанд таарч, 6:0 яллаа.

Ингээд манай бөх хүрэл медалийн төлөө Ираны Mojtaba Mohammadshafie GOLEIJ-тэй барилдлаа. Юу ч хийж амжаагүй, чадаагүйбайтал Ираны бөх оноо цуглуулсаар нэг мэдэхэд 10: 0 болэ, иран бөх оноогоор цэвэр яллаа.