Азийн танхимын болон тулааны спортын наадмын бүртгэл явагдаж байна

Азийн олимпын зөвлөлийн ивээл дор зохиогддог Азийн танхимын болон тулааны спортын 6-р наадам ирэх 2022 оны гуравдугаар сарын 10-20-нд Тайландын Бангкок болон Чонбури хотод болно. Тус наадмын бүртгэл яг одоо явагдаж байна. Монголчууд тус наадамд усанд сэлэлт, 3х3 сагсан бөмбөг, бадминтон, бильярд, боулинг, хөгжөөн дэмжигчид, шатар, хадан хананд авиралт, бүжгийн спорт, е-спорт, футзал, хөнгөн атлетик, сэлүүрт завь, жюү-жицү, каратэ, кикбокс, кураш, муай-тай бокс, самбо, буудлага, скейтборд, таеквондо, волейбол, агаарын спорт зэрэг төрлөөр өрсөлдөх боломжтой.

Бүртгэл арваннэгдүгээр сарын 1 хүртэл үргэлжлэх тул оролцох боломжтой спорт холбоодыг бүртгэлдээ идэвхтэй хамрагдахыг урьж байна.