Үндэсний бөхийн лигийн ШИНЭ ЧАНСАА

2021 оны 10 сарын 25

“Хил хязгааргүй спорт” Төрийн бус байгууллага, Монголын үндэсний бөхийн холбоо, "Эрхэт Монгол" групп, ТВ8 телевизийн хамтран хэрэгжүүлж буй ТВ контент болох "Үндэсний бөхийн лигийн анхдугаар барилдаан" өчигдөр (2021.10.24) амжилттай болж өндөрлөсөн билээ. 

Уг барилдаанд 32 бөх зодоглосноос Улсын харцага Т.Баасанхүү, Улсын начин Н.Мустафа нар өрсөлдөгчдөө давсаар үзүүр, түрүүнд шалгаран үлдэж, улсын харцага Т.Баасанхүү түрүүлсэн бол шөвгийн дөрөвт улсын начин Б.Бат-Эрдэнэ, аймгийн харцага Э.Сумъяабат нар шалгарсан юм. 

Нийт 10 сая төгрөгийн шагналын сантай лигт түрүүлсэн бөх 3 сая, үзүүрлэсэн бөх 1.5 сая төгрөгийн мөнгөн шагнал хүртсэн бол  шөвгийн дөрөвт үлдсэн бөхчүүд тус бүр 500 мянга, нэг давсан бөх 200 мянга, хоёр давсан бөх 250 мянга, барилдаанд зодоглосон буюу нэг давж чадаагүй бөх ч 120 мянган төгрөгийн бай шагнал гарджээ. 

Үндэсний бөхийн хөгжлийг дэмжсэн эл төсөл 4 жилийн хугацаанд үргэлжлэх ба сар бүр тогтмол нэг удаа лигийн барилдааныг зохион байгуулна. 

Барилдааны ерөнхий ивээн тэтгэгчээр нийгмийн хариуцлагыг хэрэгжүүлэгч “Эрхэт Монгол групп” ажиллаж байгааг онцолъё. 

Монгол үндэсний бөхийн лигийн анхны барилдааны дараах бөхчүүдийн чансааг танилцууллаа.
 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Б.амар(150.129.142.59) 2021 оны 10 сарын 26

Зочны зөв шүү дээ

0  |  0
Зочинд хандах нь(103.57.94.242) 2021 оны 10 сарын 25

Өөрөө юу ч хийдэггүй, шинээр сэтгэж чаддаггүй тархины тураалтай нөхөр чи зүгээр л үзэхээ больчих!

0  |  0
Зочин(150.129.143.199) 2021 оны 10 сарын 27

Ганц заалны барилдаан з/б-чихаад лиг, чансаа энэ тэр ярих ч арай сэрууднэ ээ

0  |  1
Top