ЖҮДО: Бакугийн "Их Дуулга"-д оролцох Монголын ШИГШЭЭ БАГ

IJF холбооны цуврал тэмцээний нэг Бакугийн Их Дуулга арваннэгдүгээр сарын 5-7-нд Азербайжаны нийслэлд болно.

Өнгөрсөн жил тус тэмцээн цар тахлын улмаас явагдаагүй. 2019 онд Баку Их Дуулгад Д.Амартүвшин, Ё.Басхүү нар хүрэл медаль хүртэж байв.

Энэ жил манай улсаас 22 жүдоч оролцоно.

МОНГОЛЫН ШИГШЭЭ БАГ  

Эрэгтэй
 

• 60 кг Э.Сумъяабазар, Э.Ариунболд
• 66 кг Г.Галмандах, Б.Нармандах
• 73 кг Ц.Цогтбаатар, О.Уранбаяр
• 81 кг Б.Мөррэнцэн, Г.Болор-Очир
• 90 кг Г.Алтанбагана, Б.Тэнгис
• 100 кг Б.Гончигсүрэн, О.Хангал
• +100 кг О.Цэцэнцэнгэл

Эмэгтэй
 

• 48 кг Г.Наранцэцэг, Б.Баасанхүү
• 52 кг Б.Хорлоодой
• 57 кг Л.Энхрийлэн
• 63 кг Б.Ганхайч, С.Лхагвадулам
• 70 кг Ц.Энхчимэг,
• 78 кг Б.Эрдэнэт-Од
• +78 кг А.Адъяасүрэн

Тэмцээн Гейдар Алиевийн нэрэмжит спорт цогцолборт явагдана. 11 дүгээр сарын 5-ны Баасан гарагт эмэгтэй 48, 52, 57 кг, эрэгтэй 60, 66 кг-ын барилдаантай. 6-нд эмэгтэй 63, 70 кг, эрэгтэй 73, 81 кг, 7-ны Ням гарагт эмэгтэй 78, +78, эрэгтэй  90, 100, +100 кг-ын жүдочид татами дээр гарна.

Их Дуулгад түрүүлсэн жүдоч чансааны 1000 оноо, мөнгөн медаль 700, хүрэл медаль 500, тавдугаар байрны тамирчин 360, долоодугаар байрны жүдоч 260 оноотой.