Хөлбөмбөг: "Пушкаш"-ийн Г.Ганбаяр ОУХМ цол хүртлээ

Монголын шигшээ баг, Унгарын "Пушкаш академи"-ийн тоглогч Ганболдын Ганбаяр Олон улсын хэмжээний мастер цол тэмдгээр энгэрээ мялаалаа.
 

Азийн 23 хүртэлх насны АШТ-ий урьдчилсан шатны тоглолтуудад оролцохоор эх орондоо ирсэн Г.Ганбаярт МХБХ-ны Ерөнхийлөгч А.Ганбаатар цол тэмдгийг нь гардуулсан юм.

Г.Ганбаяр нь Монгол улсаас Европ тивийн клубтэй мэргэжлийн хөл бөмбөгчний гэрээ байгуулсан анхны тоглогч гэдгийг хөл бөмбөг сонирхогчид мэднэ.
 

2013 оноос Монгол улсын 14, 17, 19, 23 хүртэлх насны шигшээ багуудад тоглож ирсэн Г.Ганбаяр өдгөө үндэсний шигшээ багт дуудагдан, тоглож байгаа билээ.