Харуулын даргаа хөнөөсөн байлдагч нарыг ХОЁР ДАХЬ ӨДРӨӨ ШҮҮЖ БАЙНА

Говь-Алтай аймаг дахь хилийн 0214 дүгээр ангийн дугаар салбарын хилийн харуулд үүрэг гүйцэтгэж байсан Ховд аймгийн Чандмань сумын харьяат байлдагч Х, Орхон аймгийн Баян-Өндөр сумын харьяат байлдагч М нар нь 2021 оны дөрөвдүгээр сарын 08-ны 18.30 цагийн орчимд харуулын даргаар үүрэг гүйцэтгэж байсан ахлах ахлагч Г-г буудан амь насыг нь хөнөөж, зэвсэглэн харуулын байрлалаа орхин оргосон хэрэг гарсан билээ.

Тэдэнд холбогдох хэрэгт Говь-Алтай аймгийн прокурорын газраас Эрүүгийн хуулийн тусгай ангийн 10.1 дүгээр зүйлийн 2.4, 2.9, 2.11, 28.5 дугаар зүйлийн 1, 28.7 дугаар зүйлийн 2, 28.8 дугаар зүйлийн 1, 28.15 дугаар зүйлийн 1, 17.2 дугаар зүйлийн 3.2 дахь хэсэгт зааснаар яллах дүгнэлт үйлдэн тус аймаг дахь Эрүүгийн хэргийн анхан шатны шүүхэд шилжүүлэн шийдвэрлүүлсэн байдаг.

Улмаар шүүх хурлыг өнгөрөгч есдүгээр сарын 29-ний өдөр  Говь-Алтай аймаг дахь сум дундын эрүүгийн хэргийн анхан шатны шүүхэд товлогдоод байсан ч тодорхойгүй хугацаагаар хойшлуулаад байсан юм.

Тэгвэл тэдэнд холбогдох, хэргийг шүүх хурал дахин товлогдон өчигдөр 10.00 цагт эхэлж, өнөөдөр /2021.11.16/ хоёр дахь өдрөө үргэлжилж байна.