Эрик Кантер: Лебронд мөнгө хамгийн чухал

АНУ-ын Бостон багийн төвийн тоглогч Эрик Кантер Хятадад хүний эрхийг зөрчиж байгаа талаар ээлжит мэдээллээ хийлээ. Энэ удаад түүний бай нь Лейкерс багийн од Леброн Жеймс байлаа. Леброн Nike компанитай их хэмжээний гэрээтэй бөгөөд тус компанийн бүтээгдэхүүнийг Хятадад үйлдвэрлэдэг билээ.

Эрик Кантер твиттер хуудсандаа “Хаан Жеймст ёс суртахуун биш мөнгө чухал. Тамирчид нийгмийн идэвх гаргаж, олон зүйл шүүмжилдэг ч Хятадын асуудлаар байр сууриа илэрхийлэхгүй байгаа нь гунигтай төдийгүй жигшүүртэй. Том Босс (Хятад) юм ярьж эхлэхэд тэд айж, чичирдэг. Чиний брэнд пүүзийг ямар олон хүн боолын хөдөлмөрөөр хийдгийг мэдэх үү? Эсвэл энэ асуудал чамд хамаагүй юу” гэж бичжээ.