Ах дүү Абэ “Оны шилдэг”-ээр шалгарлаа

Японы нийслэл Токио хотын Азабүдайд оны шилдгүүдэд олгодог GQ MEN OF THE YEAR 2021 шагнал гардуулах ёслол боллоо.

Энэхүү шагналыг салбар бүрийн онцгой амжилт гаргасан тамирчин, жүжигчин, дуучин нарт өгдөг бөгөөд энэ жилийн “Олимпын баатар” буюу Спортын ертөнцийн шилдгээр Токио олимпын жүдо бөхийн аварга ах дүү Абэ Хифүми, Абэ Үта нар авлаа.
 

Абэ Үта ёслол дээр “Энэ шагналыг авсандаа их баяртай байна. Энэ жил амьдралдаа хэзээ ч мартахгүй жил болж өнгөрч байна. Үнэхээр гайхалтай нэг жил байлаа. Ах маань надад байнга үлгэр жишээ үзүүлдэг миний хувьд Баатар хүн” гэж ярьсан байна.