Артур Бетербиев хүнд цохилтоор ялж, аваргын бүсээ хамгааллаа

Өнөөдөр өглөө Канадын Монреаль хотын Bell Centre хүрээлэнд боксын том шоу болж өнгөрлөө.

Гол тулаанд WBC, IBF холбооны хагас хүнд жингийн аварга ОХУ-ын Артур Бетербиев (17-0, 17 KO) Америкийн Маркус Браунтай тулалдаж, есдүгээр үед хүнд цохилтоор буулган авч, аваргын бүсээ хамгааллаа.

Мөн Мари-Эва Дикэр Синти Лозаног хүнд цохилтоор ялж, IBF холбооны бүсийг эзэмшив.

Ян Пеллерин Франсиско Ривасаг шүүгчдийн саналаар 100-90, 100-90, 100-90 ялсан бол Стив Роллс Кристофер Брукерийг есдүгээр үед нокаутаар ялжээ.