Чөлөөт бөх: Дэлхийн шилдэг багуудыг нэрлэлээ

Дэлхийн бөхийн нэгдсэн холбооноос 2021 оны шилдэг багуудыг нэрлэлээ.

5. Сонгомол барилдааны Ираны шигшээ – Ираны сонгомолынхон Ослогийн ДАШТ-д багийн дүнгээр ОХУ-ын дараа 2-т жагссан. Гэхдээ 4 алт, 2 хүрэл медальтай, медалийн чанараар илүү байсан юм.

4. Киргизийн эмэгтэй шигшээ баг – 2017 онд Айсулу Тыныбекова гарч ирснээр Киргизийн эмэгтэйчүүд дэлхийн дэвжээнд гарсан. Тэд ДАШТ-д 2 алт, 1 хүрэл медаль авсан.

3. Украины эмэгтэй шигшээ баг – Алина Кобия тэргүүтэй Украины залуучуудын шигшээ баг U-23 дэлхийн аваргад багаараа түрүүлсэн. Белград хотод болсон энэ тэмцээнд таван украин охин финалд шалгарч, гурав нь түрүүлсэн юм.

2. ОХУ-ын чөлөөт бөхийн эрэгтэй шигшээ баг - Токиогийн олимпын наадамд орос эрчүүд медалийн төлөөх таван барилдаандаа бүгд ялсан. Үүнээс гурав нь алтан медаль байлаа.

1. Японы эмэгтэй шигшээ баг – Наран улсын бүсгүйчүүд нутагтаа болсон олимпын наадамд тун сайн оролцсон. Рисако, Юкако Каваи эгч дүү тэргүүтэй япон охид 6 жингийн дөрөвт нь тэргүүлсэн.