Юзүрү Ханюү бэлтгэл дээр дөрвөлсөн аксель гүйцэтгэлээ

Японы уран гулгалтын Бээжин олимпын шигшээ багийн гол сонгон шалгаруулалт болох Улсын аваргын тэмцээн Сайтамад өчигдөр эхэлсэн. Сүүлийн үед шагайны бэртлийн улмаас тэмцээнд оролцохгүй байгаа олимпын аварга Юзүрү Ханю тус тэмцээнд оролцох болсон нь нэг талаар баяртай мэдээ ч, нөгөө талаас олимпын өмнөхөн гэмтлээ сэдрээх бий гэсэн түгшүүр төрүүлж байгаа юм.

Олимпын хошой аварга Ханю бэлтгэл дээр дөрвөлсөн аксель гүйцэтгэлээ. Энэ хүнд дасгалыг одоогийн байдлаар албан ёсны тэмцээн дээр ямар ч тамирчин амжилттай хийгээгүй байгаа билээ.

Японы аварга шалгаруулах тэмцээний эрэгтэй богино үзүүлбэр өнөөдөр явагдаж байна.

Өчигдөр болсон эмэгтэй богино үзүүлбэрийн дүнг танилцуулья. Рика Кихира гэмтлийн улмаас оролцсонгүй.

1. Каори Сакамото — 79.23

2. Вакаба Хигучи — 74.66

3. Мана Кавабе — 74.27

4. Сатоко Мияхара — 73.76

5. Маи Михара — 73.66

6. Рино Мацуике – 72,31

7. Рион Сумийоши — 67.39

8. Ринка Ватанабе — 65.07

9. Моне Чиба — 64.41

10. Азуса Танака — 63.92