2022 онд Монголын спортод тохиох ТЭМДЭГЛЭЛТ ҮЙЛ ЯВДЛУУД

Ж.Отгонцагаан

Энэ жил Монголын олимпизм, спортын амьдралд дараах томоохон тэмдэглэлт үйл явдал болно.
 

• МҮОХ нь ОУОХ-нд гишүүнээр элссэний 60 жилийн ой.
   
• Монгол Улс анхны ОУОХ-ны гишүүнтэй болсны 45 жилийн ой. Ш.Магван олимпийн өвөөгийн 95 насны ой.
   
• "Мюнхен-1972" олимпоос чөлөөт бөхийн тамирчин Х.Баянмөнх (-100 кг) мөнгөн медаль хүртсэний 50 жилийн ой.
   
• "Барселона-1992" олимпоос  буудагч   Д.Мөнхбаяр (Спорт гар буу, 25 м) & боксчин Н.Баярсайхан (60 кг) нар хүрэл медаль хүртсэний 30 жилийн ой. (Д.Мөнхбаяр нь анх удаа олимпийн медаль хүртсэн монгол эмэгтэй ба анхны буудлага спортын  олимпийн медаль.Түүнчлэн чөлөөтийн хөнгөн жинд төрсөн ах дүү Цэрэнбаатарын Хосбаяр &  Энхбаяр & Цогтбаяр нар олимпод барилдаж, гурвуулаа шагналт байр эзэлсэн түүхтэй).
   
• "Лондон-2012" олимпоос Н.Төгсцогт (Бокс, 52 кг) , Н.Түвшинбаяр (Жүдо, 100 кг ) нар мөнгө, С.Батцэцэг (Чөлөөт бөх,  68 кг) , С.Ням~Очир (Жүдо, 73 кг) ,У.Мөнх~Эрдэнэ (Бокс, 64 кг )  нар хүрэл медаль хүртсэний 10 жилийн ой. (Н.Төгсцогт нь 20 нас 50 хоногтойдоо буюу хамгийн залуу олимпийн медальтнаар, жүдоч Н.Түвшинбаяр хамгийн анхны олимпийн хос медальтнаар, чөлөөтийн С.Батцэцэг хамгийн анхны олимпийн медальт эмэгтэй бөхөөр тус тус тодров. Мөн нэг олимпоос 5 медаль хүртсэнээрээ рекорд тогтоосон)
   
• "Шинэ Дели-1982" Азийн IX наадамд чөлөөт бөхийн Б.Болд (68 кг), З.Дүвчин (82 кг),  урт бууны эр.баг (C.Aдилбиш, Г.Ганзориг, С.Энхжаргал) тус тус  алтан медаль хүртсэний 40 жилийн ой.
   
• "Бусан-2002" Азийн XIV  наадамд чөлөөт бөхийн О.Пүрэвбаатар алтан медаль хүртсэний 20 жилийн ой.
   
•  "Альбервилль-1992" өвлийн олимпод оролцсоны 20 жил, "Солт Лейк-2002" цагаан олимпод "Team Mongolia" оролцсоны 10 жилийн ой тохиож байна. 1992 олимпод хамгийн сүүлчийн удаа гүйлтийн тэшүүр Монгол Улсаа төлөөлж, Н.Ганболд, A.Coдномдаржаа нар  уралдсан бол 2002 оны наадамд олимпийн эрх олгодог болсон цагаас хойш (1994)  хамгийн олон буюу 4 тамирчин (2 гүйлтийн цана + 2 шорт трек) өрсөлдсөнөөрөө онцлогтой. Мөн эм.цаначин Д.Энхээ нь 38 насандаа цагаан олимпод оролцсон манай хамгийн ахмад тамирчнаар тодров.
   
• МҮОХ-ны шинэ төв штаб "Olympic House" үүдээ нээсний 20 жилийн ой.