Бээжингийн олимпын сэтгүүлчдийг ажлын таатай нөхцөлөөр хангана

Хятадын ГХЯ-ны хэвлэлийн төлөөлөгч Ван Вэньбин энэ сарын 13-ны өдөр Бээжингийн өвлийн олимпын үеэр чөлөөтэй мэдээлэл хийх нь цар тахлаас урьдчилан сэргийлэх, хянахад нөлөөлөх эсэх талаар гадаадын төрийн бус байгууллагуудын санаа зовниж асуултад хариулахдаа "Хятад улс урьдын адил Гадаадын оршин суугч мэдээллийн агентлаг, гадаадын сэтгүүлчдийн хууль ёсны эрх, ашиг сонирхлыг хуулийн дагуу хамгаалж, зохион байгуулагч хотын гэрээний дагуу Бээжингийн өвлийн олимп, өвлийн паралимпийн талаар гадаадын сэтгүүлчдэд сурвалжлах тав тухыг хангана" гэж мэдэгдлээ.

Ван Вэньбин "Хятад улс гадаадад нээлттэй байх үндэсний үндсэн бодлогыг хэрэгжүүлж байна. Хятад дахь гадаадын хэвлэл мэдээллийн хэрэгслээр мэдээлэх орчин нээлттэй, өвлийн олимпын наадам болон түүнтэй холбоотой мэдээ мэдээлэл чөлөөтэй байдаг. “Бүгд Найрамдах Хятад Ард ​Улсын Гадаадын суугаа мэдээллийн агентлагууд болон гадаадын сурвалжлагчдын сурвалжлах тухай журам” зэрэг гадаадын сэтгүүлчдийн хууль ёсны эрх ашгийг хамгаалах талаар тодорхой заалтуудыг тусгасан. Хятад улс урьдын адил гадаадын оршин суугч мэдээллийн агентлаг, гадаадын сэтгүүлчдийн хууль ёсны эрх ашгийг хуулийн дагуу хамгаалж, зохион байгуулагч хотын гэрээний дагуу гадаадын сэтгүүлчдэд Бээжингийн өвлийн олимп, паралимпийг сурвалжлахад дөхөм болгоно. Бид Бээжингийн Өвлийн Олимпын талаар хэвлэл мэдээллийнхэн анхаарал хандуулж, сурвалжилж байгааг сайшааж, хэвлэл мэдээллийн хэрэгслээр гаргаж буй бүтээлч санаа бодлыг сайшаана. Харин бодит байдлыг мушгин гуйвуулж, "хэвлэлийн эрх чөлөө" хэмээх нэрээр Хятад болон Бээжингийн өвлийн олимпыг гутаан доромжлохыг эсэргүүцнэ" гэжээ.

Мэдээллийн дагуу одоогийн байдлаар 2500 гаруй сэтгүүлч Бээжингийн өвлийн олимпын наадамд ажиллах хүсэлтээ ирүүлсэн байна. Бээжингийн өвлийн олимпын наадмыг зохион байгуулах хороо нь хэвлэл мэдээллийн төв, Чуулгат хаалга хотын уулнаас мэдээлэх мэдээллийн төв болон 12 тэмцээний талбайн хэвлэл мэдээллийн ажиллах газарт хэвлэл мэдээллийн цэгийг байгуулж, тэмцээний үеэр өдөр бүр хэвлэлийн бага хурал зохион байгуулж, сурвалжлагчдад бүх боломжийг олгох гэнэ.