ЖҮДО: Улаанбаатарын "Их Дуулга"-аас олимпын чансааны оноо өгнө

2022 оны 01 сарын 21

Олон улсын жүдо бөхийн холбооноос 2024 оны Парисын олимпын наадмын шинэ циклтэй холбогдуулан дүрмийн өөрчлөлт хийснээ энэ сарын эхээр танилцуулсан билээ.

Шинэ олимпын цикл 2022 оны зургаадугаар сарын 24-нд эхлэж, 2024 оны зургаадугаар сарын 24-нд өндөрлөнө. 

Тэгэхээр энэ хавар явагдах тэмцээнүүдэд олимпын чансааны оноо өгөхгүй, Улаанбаатарын "Их Дуулга"-аас жүдочид олимпын оноо цуглуулж эхэлнэ гэсэн үг юм.
 


Шинэ дүрмээр насанд хүрэгчдийн ДАШТ-д дэлхийн чансааны эхний 100-д, идэрчүүдийн чансааны эхний 16-д багтсан тамирчин л оролцоно. Нэг улсаас 9 эмэгтэй (нэг жинд дээд тал нь 2), 9 эрэгтэй (нэг жинд дээд тал нь 2) оролцож болно.

Тамирчин иргэншлээ сольсон ч чансааны оноогоо хадгалж үлдэнэ.

Жинг тэмцээн эхлэх өдрөөс нэг өдрийн өмнө 18:00 цагт үзнэ.

Дүрмэнд тохирохгүй жүдогитой тамирчинг шууд хасна.

Цус гарсан гэмтлийг барилдааны үеэр хоёр удаа л эмчлэхийг зөвшөөрнө. Дахин цус тогтоох шаардлага гарвал өрсөлдөгчид нь kiken-gachi ялалт өгөх юм.

Мөн барилдааны дүрмийн 12 өөрчлөлт орсныг бичлэгээс үзэж танилцана уу.  
 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top