Зургаан сүмоч халдвар авсныг зарлалаа

Японы сүмогийн холбооноос цолтой зургаан бөх коронавирусний халдвар авсныг зарлалаа. Ойтэказэ дэвжээний комүсүби Дайэйшёо, маэгашира Тобизарү, Цүрүгишёо, жюүрёогийн Дайамами болон Токиваяма дэвжээний сэкивакэ Таканошёо, Касүгано дэвжээний Аойяма нар халдвар авсан нь тогтоогдож, эмчилгээнд оржээ.

Энэ сарын 5-нд сэкивакэ асан Ёшиказэгийн зодог тайлах ёслол, 6-нд Фүжи телевизийн нэрэмжит барилдаантай тул өмнө нь бөхчүүдийг шинжилгээнд хамруулахаар болсон байна.