Бээжин 2022: Монголын тамирчин Б.Ачбадрах 77-р байр эзэллээ

“Бээжин-2022” өвлийн олимпын гүйлтийн цанын спринт зайн уралдаан өнөөдөр (2022.02.08) Жанчхүүгийн гүйлтийн цанын төвд боллоо.
 

Эрэгтэйчүүдийн спринт /1.5 км/ зайн урьдчилсан уралдаанд нийт 44 улсын 90 тамирчин гараанд гарсан.
 

Монголын цаначин, ОУХМ Б.Ачбадрах 90 тамирчны 83-рт гарч, түрүүлсэн тамирчнаас 26,57 хоцорч, 3:11.60 амжилтаар 77 дугаар байрт орж ирлээ.  
 

Эрэгтэйчүүдийн төрөлд эхний 30 тамирчин дараагийн шатанд шалгарч, тэмцээнээ үргэлжлүүлэх юм.
 

БАТМӨНХИЙН АЧБАДРАХ

"Бээжин-2022" өвлийн XXIV Олимпын наадмын гүйлтийн цанын төрөлд Монгол улсаа төлөөлөн оролцогч ОУХМ Батмөнхийн Ачбадрах

Төрсөн огноо: 1994.12.21 /Өвөрхангай аймаг, Бат-Өлзий сум/

Цанын багш нар: Г.Баярдэлгэр, Б.Батдорж, Т.Доржготов, Д.Баттулга, Ж.Дашдондог

Онцлох амжилтууд
 

• “Пёнчан-2018” өвлийн XXIII Олимпод эрхээ аван оролцсон.
   
• 2017 оны насанд хүрэгчдийн ДАШТ-ий “Б” зэрэглэлийн 10 км-ийн зайн уралдаанд 3-р байр эзэлсэн.
   
• Дэлхийн аварга шалгаруулах тэмцээнд 4  удаа оролцсон.
   
• Оюутны "Универсиад" наадамд 3 удаа оролцсон.
   
• УАШТ-ий 8 алт, 2 мөнгө, 3 хүрэл медальт.
   

“Бээжин-2022” уралдааны хуваарь
 

• Эрэгтэйчүүдийн спринт зайн урьдчилсан уралдаан /02.08-ны өдрийн 16:50-17:35 цагт/
   
• Эрэгтэйчүүдийн 15 км-ийн уралдаан /02.11-ний өдрийн 15:00-16:35 цагт/