Хокүтэнкай Г.Сүхбатын "Оноэ" дэвжээнийхэн барилдахгүй

Мэргэжлийн сүмогийн Хаврын тэмцээн өчигдөр (2022.03.13) Осака хотноо эхэллээ.

Тэмцээнд "Оноэ" дэвжээний бөхчүүд барилдахгүй боллоо. Тус дэвжээний манлай бөх нь манай Хокүтэнкай Г.Сүхбат билээ.
 

Сүмо бөхийн холбооны хэвлэл хариуцсан ояката Шибатаяма “Энэ сарын 11-нд тус дэвжээний хоёр бөх халуурч, шинжилгээ өгсөн. 12-нд хариу нь эерэг гарсан тул "Оноэ" дэвжээний бөхчүүдийг Хаврын тэмцээнд оролцуулахгүй байх шийдвэр гаргалаа. Оноэ ояката ч халдвар авсан байна. Тус дэвжээнд цолтой бөх байхгүй, нийт 13 бөхтэй” гэж сэтгүүлчдэд мэдээллээ.