SOS: Төрсөн хүүгийнхээ амь насыг хохироосон этгээдийг саатууллаа

Б.Гантуяа | Zindaa.mn
2022 оны 03 сарын 18

Өчигдөр буюу гуравдугаар сарын 17-ны өдөр хүүгээ хутгалж, хөнөөгөөд өөрийнхөө амь насыг хохироохыг завдсан этгээдийг саатуулжээ.

Тодруулбал, Баянгол дүүргийн 20 дугаар хороонд 26 настай эрэгтэйг түүний төрсөн эцэг болох 50 настай эрэгтэй цээжинд нь хутгалж, амь насыг нь хохироосон байна.

Сэжигтэн этгээд хэрэг үйлдэх үедээ хүүтэйгээ хамт архи согтууруулах ундааны зүйл хэрэглэсэн байжээ. Тэрбээр хүүхдээ хөнөөснийхөө дараа өөрийнхөө хоолойг зүсэж, амиа хорлохыг завдсан байна. Одоогоор түүний биеийн байдал хэвийн байгаа ажээ.

Үндэсний статистикийн хорооны “Согтууруулах ундааны хэрэглээ, үйлдвэрийн өнөөгийн байдал” судалгаанаас үзэхэд, Монгол Улсын хэмжээнд насанд хүрсэн нэг хүний жилийн дундаж согтууруулах ундааны хэрэглээ сүүлийн 11 жилийн хугацаанд 28.2 литрээс 52.5 литр болж 1.9 дахин өссөн байна.  

Архины хэрэглээ нэмэгдсэнээс үүдэж, үйлдэгдэж буй гэмт хэргийн тоо 20 орчим хувиар нэмэгдсэн тоон мэдээлэл бий. Түүнчлэн нийт гэмт хэргийн 68 хувь нь архи согтууруулах ундааны хэрэглээтэй холбоотой байна.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ggg(202.126.89.193) 2022 оны 03 сарын 25

Орон сууцны байрны 1 давхар дахь дэлгүүрт архи согтууруулах ундаа зарахаа больчихвол ахуйн хүрээний архидалт бараг л байхгүй болно доо. Олон гэр бүл үр хүүхэд аав ээж амар тайван амьдрах болно шүү. Архидалттай хийх тэмцлийн анхны шат л энэ юм байгаам. Төрийн томчууд маань архидалттай үнэнээсээ тэмцье гэж бодохгүй хий л лоозогноод байна даа.

7  |  2
Т.Бат-Эрдэнэ.(192.82.71.168) 2022 оны 03 сарын 22

Эцэг хүү хоёр нийлж архи ууж байдаг .....\nҮнэхээр харамсалтай ..............\n

3  |  1
(202.9.46.60) 2022 оны 03 сарын 18

Харамсалтай, даанч яавдаа. Ажилгүйдэл ядуурал нөлөөлж байна

1  |  0
Баатар(124.158.89.2) 2022 оны 03 сарын 20

Даан ч яав даа. Хайрын сайхан хүүгээ байхгүй болгодог мангас юмаа чи

5  |  1
Top